დღეს ჩვენ განვიხილეთ " ჩემი პროექტის დაგეგმვა" (სტანდარტების გათვალისწინება, მიმართულების მიმცემი საკვანძო საკითხების ფორმირება, განახლებული ბლუმის ტაქსონომია). ძალზე საინტერესო იყო მუშაობა სტანდარტებისა და მიზნების რუკაზე. ესგ-დან ამოვიღე ჩემი პროექტისათვის საჭირო სავარაუდო სტანდარტებიც. განვიხილეთ განახლებული ბლუმის ტაქსონომია. ვიმსჯელეთ მასზე, შემდეგ კი შევასრულეთ აქტივობა: მოვიფიქრეთ სავარაუდო აქტივობები ჩვენი პროექტისათვის. ჩემი აზრით ძალზე მნიშვნელოვანი იყო მიმართულების მიმცემი საკვანძო კითხვების ირგვლივ მუშაობა. მოვისმინეთ ამ საკითხზე მინი-ლექცია და ვნახეთ პრეზენტაციაც. ვფიქრობ გავერკვიე ზოგადი , თემატური და შინაარსობრივი კითხვების არსში. შევასრულეთ შესაბამისი დავალება ჯგუფებშიც, რაც ვფიქრობ, დამეხმარება ჩემი პროექტის შექმნაში. მიმაჩნია, რომ დღეს მივიღე საჭირო და აუცილებელი ინფორმაცია. გავეცანი ტრენერის მიერ გაკეთებულ წინა ტრენინგის კომენტარსაც. მოხარული ვარ ასეთი დამოკიდებულების. შეკითხვები კვლავაც დამიგროვდა. ვფიქრობ, რომ ეს ტრენინგი ნაყოფიერი იყო ჩემთვის. მადლობა დიმიტრი საინტერესო ტრენინგისთვის.
No comments:
Post a Comment